Ne Schwazze Kääl


Ne  Schwazze Kääl

Gesellschaftslied
der Kölner Karnevalsgesellschaft
Schwazze Kääls ev.  von 1956

Erlebnisse aus dem Berufsalltag
eines Kölner Schornsteinfegers

Refrain:

Jo dat es ne Schwazze Kääl,
dä es met Hätz un Siel dobei!
D´r janze Daach üvver de Dächer vun Kölle,
em Rusemondaachszoch schmieß hä de Kamelle.

Janz ejal, ob et stürmp oder schneit,
hält hä de Pief uns immer frei,
em Veedel kennt hä alle Lück,
un jeder röf im zo,  " Breng meer Jlöck "

Vers : 1 

D`r  Metzger Fuchs hät et Rösches voll met Schinke,
hä jing nur schnell ens ne Kaffee drinke,
un als ich dann en d`r  Zick dät fäje,
met däm Schinke meer kei Brütche kunt beläje.

En d`r  Dür stund et Liss em Neglige,
Kumm eren, meer drinke flott e Tässje Tee,
dann kann ich dir och noch e Bützje jevve,
dat loch för mich jo janet su donevve.

Refrain

Vers  : 2 

Bei däm Demir wor die janze Bud voll Qualm,
su wie domols bei de ahl Frau Palm,
do benn ich hin, han alles rein jemaat,
noch ne Klaaf , dann op et nächste Daach.

Om jlatte Daach han ich zo rötsche anjefange,
en Markis hät mich opjefange,
jelandet ben ich op däm Köschetesch,
bei d`r Jroß, die mat villeich e blöd Jeseech.

Refrain



 
 
 
Vers :  3

Wann ich dann op unser Sitzung jon,
freue ich mich an enem dolle Programm,
Lämpcher schwenke, jet metenander drinke,
dat Kölsche Hätz, et es am schwinge.

Do triffst de Lück, die metenander laache,
do bruche meer uns kenn Sorch öm de Ress
zo maache.
De Minsche jläufen dran un dat mät Senn,
Mir Schwazze Kääls brenge Jlöck en alle Hätze
eren.

Refrain


Idee &  Text    Klaus Moritz

Veröffentlicht zum  50 Jährigen Bestehen
der  KKG  Schwazze Kääls  2006

2007 von dreißig Kölner Schorsteinfegern mit
großem Erfolg in der Rosenmontags - Sendung  -
des WDR  im Fernsehen vorgetragen seitdem
die Hymne und das offizielle Gesellschaftslied
der  KKG.  Schwazze Kääls


Urheberrechte :  Klaus Moritz
Verlag : ka  Nonton  Köln

Vertrag vom  5.1. 2005